跟網友交收完NDS，我一個人去APM逛outlet。買了想買的又填飽了肚子，我便照原定計劃到附近的紅十字會看看自己是否符合資格捐血。
怎料途中我腳踢地下，霹啪一聲摔倒在地。眼見人來人往卻沒法自行爬起來，一直賴在地上不動的我，周圍的人頓時將目光投放在我身上，「死喇今次。」我尷尬地在心中默念。
「做咩坐喺地下度呀？使唔使我扶你起身？」碰巧經過我旁邊的陌生姨姨問。此時我也顧不得害羞，立即搬出媽媽教過我的台詞回應道：「唔好意思，我行路唔係太方便，自己起唔到身，你可唔可以扶一扶我呀？」姨姨二話不說，聯同聞聲趕來的保安員，默契地一人扶一邊，不消兩秒就把我從地上拉了起來。
後來姨姨堅持要陪獨自外出的我去捐血，所謂盛情難卻，我也就老實不容氣，厚面皮地耽誤她的時間了。「唔該，我想捐血㗎。」推開捐血站的大門，看見一拐一拐地步進的我，義工們先是一陣驚異，再來是一臉狐疑地盯着我問：「妹妹你夠十八歲未？」「夠㗎喇！」我心想，其實我已經十九喇，係個百份百嘅大人嚟！
可惜的是，度高磅重之後，雖然從數字上來說，我的體重是自出娘胎以來的顛峰，但還是未夠稱去捐血...被請食檸檬的我唯有失望而回。臨走時，接待處的公公婆婆讚我好熱心，話你咁樣都專登嚟捐血，令我哋好感動。唔緊要，快啲食多啲嘢增重，希望好快可以再見到你！其實我並不是偉大或善良，只是幾次腳手術下來，也輸過幾袋好心人的血，所以才想在成年之後，趁着能夠四圍走活動自由，同樣略盡綿力做點什麼吧。
「你自己一個出街唔驚咩？跌倒你又起唔返身。」「唔驚！周街都係好似姨姨你咁嘅好人，實有人會幫手嘅！」姨姨被我的「甜言蜜語」逗笑，然而我確實是真心的。既然香港處處有好人，我又何需怕這怕那呢，不是嗎？
#今天的戰利品
#其實我有諗過自己會因為大腦麻痺或者粒線體病而唔可以捐血
#點諗到竟然會因為太輕而被打回頭
#好人好事系列
Search